အာဠာဝကလိုစိတ်ထားမျိုးမွေးပါ
အာဠာဝကဆိုတဲ့ ဘီလူးကြီး ဗုဒ္ဓဘာသာဝင်အဖြစ် ပြောင်းလဲပြီးနောက်ပိုင်းမှာ
အာဠာဝကက ဘာကြေညာသလဲဆိုတော့ -
'လောကမှာ သူသည် နဖူးနဲ့၊ ဒူးနဲ့၊ဍ္ဍ တံတောင်နဲ့ ရှိခိုးရမယ်ဆိုလို့ရှိရင်
ဗုဒ္ဓရှင်တော်ကိုသာ ရှိခိုးတော့မယ်။
အခြားဘယ်သူ့ကိုမှ မရှိခိုးတော့ဘူး' တဲ့။
အာဠာဝက ဘီလူးတောင် အဲဒီစိတ်မျိုးရှိတယ်။
ခုတော့ . . . ဘုန်းကြီးတို့ ပရိသတ်က
ဘုရားရှိခိုးပြီးရင် ဟိုဘက်မှာ ဘီလူးရော၊ နတ်ရော၊ ၃၇မင်းရော
အကုန် ကုန်းပြီးတော့ ရှိခိုးနေတာ တွေ့ရတယ်။
အဲဒီလိုဆိုတော့ ဘုရားလည်းပဲ ရှိခိုးတယ်။
ဟိုဘက်လည်း ရှိခိုးတယ်။
ဘုရားနဲ့ သာသနာပ သတ္တဝါတွေကို တန်းတူထားရင်
ဘုရားတန်ဖိုးက ကျသွားမယ်။
အဲဒါကို မသိကြတော့
ကိုယ့်သရဏဂုံကို ကိုယ်နှိမ့်ချသလိုဖြစ်သွားတယ်။
ဒါကြောင့် အဠာဝကရဲ့ စိတ်ထားမျိုး မွေးဖို့လိုတယ်လို့ တိုက်တွန်းချင်တယ်။
(သီတဂူ အရှင်ဉာဏိဿရ ဆရာတော်ကြီး)
ဝင်းကျော်ဦး
Comments
Post a Comment